Fwd: NDF NEWS 2-2014 FDA

-

အမျိုးသားဒီ်ိမိုကရေစီအင်အားစုပါတီ

သတင်းထုတ်ပြန်ရေးအဖွဲ့

သတင်းထုတ်ပြန်ချက်အမှတ် (၂-၂၀၁၄)

ရက်စွဲ။ ၁၇-၁-၂၀၁၄

 

ဖက်ဒရယ်ဒီမိုကရေစီမဟာမိတ်( FDA) ပထမအကြိမ် အစည်းအဝေးကျင်းပခြင်း

         ၇-၁-၂၀၁၄ ရက်နေ့က ဖွဲ့စည်းခဲ့သော ဖက်ဒရယ်ဒီမိုကရေစီမဟာမိတ်( FDA) ၏ ပထမအကြိမ် အစည်းအဝေးကို ၁၇-၁-၂၀၁၄ ရက်နေ့၊ နေ့လည် ၁း၃၀နာရီတွင် အနောက်မြင်းပြိုင်ကွင်းလမ်းရှိ အမျိုးသား ဒီမိုကရေစီအင်အားစုပါတီ၊ ဌာနချုပ်ရုံး အစည်းအဝေးခန်းမတွင် ကျင်းပပြုလုပ်ခဲ့သည်။

         ထိုအစည်းအဝေးသို့ ဖက်ဒရယ်ဒီမိုကရေစီမဟာမိတ်အဖွဲ့ဝင်ပါတီများမှ ပါတီခေါင်းဆောင်များ၊ ပါတီကိုယ်စားလှယ်များ တက်ရောက်ခဲ့ကြသည်။ တက်ရောက်ခဲ့သော ပါတီများမှာ ကရင်ပြည်သူ့ပါတီ၊ ချင်းတိုးတက်ရေးပါတီ၊ ညီညွတ်ရေးနှင့်ငြိမ်းချမ်းရေးပါတီ၊ ညီညွတ်သောဒီမိုကရက်တစ်ပါတီ၊ ဒီမိုကရေစီနှင့် ငြိမ်းချမ်းရေးပါတီ၊ ဒီမိုကရက်တစ်ပါတီ(မြန်မာပြည်)၊ မတူကွဲပြားခြင်းနှင့်ငြိမ်းချမ်းရေးပါတီ၊ မြန်မာ့လူ့ဘောင်သစ် ဒီမိုကရက်တစ်ပါတီနှင့် အမျိုးသားဒီမိုကရေစီအင်အားစုပါတီတို့ ဖြစ်သည်။

         အခမ်းအနားမှူးအဖြစ် အမျိုးသားဒီမိုကရေစီအင်အားစုပါတီ အထွေထွေအတွင်းရေးမှူး ဒေါက်တာဝင်း နိုင်က ဆောင်ရွက်သည်။ လက်ရှိဖြစ်ပေါ်နေသော နိုင်ငံရေးအခြေအနေများ၊ လယ်ယာမြေပြဿနာများ၊ မြစ်ဆုံ ကိစ္စနှင့် FDA ဖွဲ့စည်းပုံစည်းမျဉ်းရေးဆွဲရန်၊ သဘာပတိအဖွဲ့နှင့် အတွင်းရေးမှူးအဖွဲ့များဖွဲ့စည်းရန်ကိစ္စများ၊  အစည်းအဝေးများ  ခေါ်ယူကျင်းပရေး၊ ပုံမှန်တွေ့ဆုံရေး၊  ဆွေးနွေးရမည့်ကိစ္စရပ်များကို ကြိုတင်ညှိနှိုင်းရန နှင့် အခြားအထွေထွေ ကိစ္စရပ်များကို တက်ရောက်လာကြသော ပါတီအသီးသီးမှ ပါတီခေါင်းဆောင်များ၊ ပါတီကိုယ်စားလှယ်များက ဆွေးနွေးခဲ့ကြသည်။

         ထို့နောက် ဆွေးနွေးအတည်ပြုချက်နှစ်ရပ်ကို  ဖက်ဒရယ်ဒီမိုကရေစီမဟာမိတ်အဖွဲ့ ကြေညာချက် အဖြစ် ထုတ်ပြန်ရန် အတည်ပြုခဲ့ပြီး အစည်းအဝေးကို ညနေ ၃း၃၀ နာရီတွင် အောင်မြင်စွာရုပ်သိမ်းခဲ့သည်။

         အစည်းအဝေးပြီးနောက် သတင်းမီဒီယာများနှင့်တွေ့ဆုံ၍ တာဝန်ရှိသူ ပါတီခေါင်းဆောင်များက သတင်းမီဒီယာများ၏ မေးမြန်းချက်များကို ရှင်းလင်းဖြေကြားခဲ့ကြကြောင်း သတင်းထုတ်ပြန်အပ်ပါသည်။

ဖက်ဒရယ်ဒီမိုကရေစီမဟာမိတ် ( FDA )

ကြေညာချက်အမှတ်  ( ၂-၂၀၁၄)

ရက်စွဲ။ ၂၀၁၄ ခုနှစ်၊ ဇန်န၀ါရီလ( ၁၇)ရက်

 

၂၀၁၄ ခုနှစ်၊ ဇန်န၀ါရီလ(၁၇)ရက်နေ့တွင် ကျင်းပသော ဖက်ဒရယ်ဒီမိုကရေစီမဟာမိတ်( FDA) ပထမအကြိမ်အစည်းအဝေးမှ အောက်ဖော်ပြပါ သဘောထားကို ထုတ်ပြန်ကြေညာလိုက်သည်။

 

၁။      တောင်ပေါ်ဒေသများမှ ရွေ့ပြောင်းတောင်ယာများအပါအ၀င် နိုင်ငံတစ်ဝှမ်းမြေယာ သိမ်းခံကြရသော  တောင်သူလယ်သမားများ အရေးကိစ္စနှင့်ပတ်သက်၍ ပြည်ထောင်စုအစိုးရနှင့် ပြည်ထောင်စုလွှတ်တော်မှ တာဝန်ယူဖြေရှင်းဆောင်ရွက်ရန်။ 

 

၂။      ဧရာဝတီမြစ်ဆုံဒေသမှ ရေအားလျှပ်စစ်ထုတ်ယူမှုကို အပြီးတိုင်စွန့်လွှတ်၍ ရေအားလျှပ်စစ်နှင့် အခြား လျှပ်စစ်ဓာတ်အား ထုတ်ယူမှုမျာကို နိုင်ငံတော်နှင့်ပြည်သူတို့၏ လက်ငင်းနှင့် ရေရှည်အကျိုးစီးပွားနှင့် အညီ  စဉ်းစားဆောင်ရွက်ပေးရန်။

 

                                                                               ဖက်ဒရယ်ဒီမိုကရေစီမဟာမိတ် (FDA)

 

( ၇၆ ) ကြိမ်မြောက် ကရင်အမျိုးသား နှစ်သစ်ကူးပွဲတော်သို့ ပေးပို့သောအမျိုးသားဒီမိုကရေစီအင်အားစုပါတီ၏ နှုတ်ခွန်းဆက်သ၀ဏ်လွှာ

ချစ်ခင်လေးစားအပ်ပါသော KNU / KNLA ငြိမ်းချမ်းရေးကောင်စီမှ ခေါင်းဆောင်များ၊ အရာရှိ စစ်သည်များ၊ ဧည့်သည်တော်များနှင့် ကရင်ပြည်နယ်အတွင်းရှိ ဒေသအသီးသီးမှ တက်ရောက်လာကြသည့် ကရင်တိုင်းရင်းသား ညီအစ်ကို၊ မောင်နှမများအားလုံးအား ယနေ့ ၁၃၇၅ ခုနှစ်၊ ပြာသိုလဆန်း(၁)ရက်နေ့၌ ကျရောက်သော မင်္ဂလာအပေါင်းနှင့်ပြည့်စုံသည့် ကရင်အမျိုးသားများ၏ နှစ်သစ်ကူးပွဲတော် အခါသမယတွင် ငြိမ်းချမ်းသာယာပြီး ရွှင်လန်းချမ်းမြေ့ကြပါစေကြောင်း အမျိုးသားဒီမိုကရေစီအင်အားစုပါတီမှ လေးစား ချစ်ကြည်စွာ နှုတ်ခွန်းဆက်သလိုက်ပါသည်။

KNU / KNLA ငြိမ်းချမ်းရေးကောင်စီ၊ (ထို့ကော်ကိုး) နော်တထာမြို့ တော်၌ (၇)ကြိမ်မြောက်ကျင်းပ ပြုလုပ်သည့် (၇၆)ကြိမ်မြောက် ကရင် အမျိုးသားနှစ်သစ်ကူးပွဲတော်သို့ တက်ရောက်နိုင်ရန် ဖိတ်ကြားခဲ့ခြင်း အတွက် ကျွန်ုပ်တို့ အမျိုးသားဒီမိုကရေစီအင်အားစုပါတီ အနေဖြင့် အထူးပင်ကျေးဇူးတင်၊ ဂုဏ်ယူဝမ်းမြောက်မိ ပါကြောင်း မှတ်တမ်းတင်ဖော်ပြအပ်ပါသည်။

မြန်မာနိုင်ငံတွင် နှစ်ပေါင်း(၆၀)ကျော်အတွင်း နိုင်ငံရေး၊ အုပ်ချုပ်ရေးအရ မကျေလည်မှုများကို လက်နက်ကိုင်နည်းဖြင့် ဖြေရှင်းခဲ့ကြ သော် လည်း စိတ်မချမ်းမြေ့ဖွယ် အကျိုးဆက်များသာကြုံတွေ့ခဲ့ကြရပါသည်။ မြန်မာနိုင်ငံ ပြည်သူလူထုသည် ပြည်တွင်းငြိမ်းချမ်းရေးကို ကာလ ကြာမြင့်စွာကပင် လွန်စွာလိုလား တောင့်တခဲ့ကြပါသည်။ ကရင်ပြည်နယ်အတွင်းရှိ ကရင်တိုင်းရင်းသားများ အရေးအတွက် ကရင် အမျိုးသား အစည်းအရုံး၏ ရာစုနှစ်ဝက်ကျော် ကြိုးပမ်းမှုများကို အမျိုးသားဒီမိုကရေစီအင်အားစု ပါတီက ကိုယ်ချင်းစာနားလည်နိုင်ပါသည်။ ထို့အပြင် နိုင်ငံတော်အစိုးရနှင့် ငြိမ်းချမ်းရေးတည်ဆောက်ပြီး ကရင်ပြည်သူလူထု တွေ့ကြုံခံစားနေခဲ့ကြရသည့် စစ်၏အနိဋ္ဌာရုံများမှ ကင်းဝေး စေရန် ဦးစီးဆောင်ရွက်ပေး ခဲ့ကြသည့် KNU / KNLA ငြိမ်းချမ်းရေးကောင်စီမှ ခေါင်းဆောင်များ၊ တာဝန်ရှိသူများ အားလုံးကိုလည်း လေးစား ချီးကျူး ဂုဏ်ပြုလိုက်ပါသည်။

အာဃာတနှင့်အမုန်းတရားများကိုပစ်ပယ်ပြီးခွင့်လွှတ်သီးခံမှုနှင့်အမျှော်အမြင်ကြီးမှုကိုအခြေခံသော၊မာန်မာနများမပါအပြန်အလှန်လေးစား လိုက်နာသော၊အာဏာကိုအခြေမပြုပဲ သွေးစည်းညီညွတ်မှုကို ဖြစ်ထွန်းစေသောအခြေခံတရားများသည်သာတိုင်းပြည်အနာဂတ်နှင့် နောင်မျိုး ဆက်သစ်တို့အတွက် အလင်း ရောင်ဖြစ်သည်ဟု ကျွန်ုပ်တို့ အမျိုးသားဒီမိုကရေစီအင်အားစုပါတီက အလေးအနက်ယုံကြည်ပါသည်။
တိုင်းရင်းသားလူမျိုးများ၏ မွေးရာပါအခွင့်အရေးများ၊ ကိုယ်ပိုင်ပြဋ္ဌာန်းခွင့်များ၊ အခွင့်အလမ်းနှင့်အဆင့်အတန်းအရတန်း တူညီမျှမှုများ၊ လူမျိုး ဘာသာမခွဲခြားဘဲ နိုင်ငံသားတိုင်းရရှိရမည့် နိုင်ငံသား အခွင့်အရေးနှင့် ပိုင်ခွင့်များ စသည်တို့ရရှိနိုင်မည့် ဒီမိုကရေစီစနစ်ကို အခြေခံသော ဖက်ဒရယ် ပြည်ထောင်စုသစ် ပေါ်ထွန်းရေးတွင် တိုင်းရင်းသားလူမျိုးများ အရေးသည်ပဓာနကျသောဆုံချက်နေရာတွင် ရှိနေပါသည်။    အမျိုးသားဒီမိုကရေစီအင်အားစုပါတီ(NDF) သည် တိုင်းရင်းသားလူမျိုးများ အရေးကို တစ်မျိုးသားလုံး အရေးအဖြစ် မှတ်ယူပါသည်။ 
နိုင်ငံတော်အတွင်း တပြေးညီဖွံ့ဖြိုးတိုးတက်နိုင်စေရန် တိုင်းရင်းသားလူမျိုးတိုင်း နိုင်ငံရေး၊ စီးပွားရေး၊ လူမှုရေးနှင့် အုပ်ချုပ်ရေးနယ်ပယ် အသီးသီးတို့တွင် တန်းတူညီမျှပြည်ထောင်စုသားတို့၏ဘ၀ကို ပိုင်ဆိုင်ပြီး တိုင်းဒေသကြီးနှင့် ပြည်နယ်အသီးသီး ကိုယ့်ကြမ္မာကိုယ် ဖန်တီး နိုင်ခွင့်များရရှိရန် လိုအပ်ကြောင်း အမျိုးသားဒီမိုကရေစီအင်အားစုပါတီက အလေးအနက်ခံယူပါသည်။ ကရင်ပြည်နယ်အတွင်း တိုင်းရင်းသား ညီအစ်ကို၊ မောင်နှမများ၏ အကျိုးကို KNU / KNLA ငြိမ်းချမ်းရေးကောင်စီနှင့် အတူတကွ  လက်တွဲ ဆောင်ရွက်နိုင်ခဲ့ သည့်အတွက်လည်း   အထူးပင်ဝမ်းမြောက်ဝမ်းသာ ဖြစ်ရပါသည်။ အနာဂတ်တွင် ဆက်လက်၍ ပူးပေါင်းဆောင်ရွက်နိုင်ရန် မျှော်လင့် ထားပါသည်။ 
KNU / KNLA ငြိမ်းချမ်းရေးကောင်စီ၏ ဦးဆောင်မှုအောက်တွင် (ထို့ကော်ကိုး) နော်တထာမြို့ တော် ဒေသမှတိုင်းရင်းသား ညီအစ်ကို၊ မောင်နှမများအားလုံး နှစ်သစ်နှင့်အတူ အောင်မြင်မှု၊ ဖွံ့ဖြိုးတိုးတက်မှုများ ရရှိကြပြီး မင်္ဂလာအပေါင်းနှင့် ပြည့်စုံကြပါစေကြောင်း အမျိုးသားဒီမိုကရေစီအင်အားစုပါတီက လှိုက်လှဲစွာ ဆန္ဒပြု ဆုမွန်ကောင်းတောင်းအပ်ပါသည်။

ဗဟိုအလုပ်အမှုဆောင်ကော်မတီ
အမျိုးသားဒီမိုကရေစီအင်အားစု
ရက်စွဲ၊ ၂၀၁၄ ခုနှစ်၊ ဇန်န၀ါရိလ ( ၁ ) ရက်။